[油麻地渡船街(洗衣寶洗衣店)] H852BB22P

油麻地

作為一個專業嘅吃貨,唔單只要識捐窿捐罅搵嘢食,重要識得落廚煮返兩手,先至有資格評得出食物嘅優劣。小編以專業為目標,決定就由揀廚具開始練廚藝! 所謂「工欲善其事,必先利其器」,識得揀梗係去上海街揀!

20180610_IMG_5480

上海街,一條典型嘅老式舊街道,貫穿油尖旺區,曾經係九龍主要嘅營商重地。雖然今時今日老舖一間接一間咁光榮結業,但仍有一個行業屹立不倒,穩札喺油麻地地段一帶。呢行就係廚具用品喇。

20180610_IMG_5571

油麻地上海街,成條街都係賣砂煲罌罉同杯盤碗碟嘅店舖。好多做餐廳廚房嘅專業人士都嚟呢條廚具街尋寶。價錢公道,款式又多又齊。如果你係煮公仔麵嘅高手,你會畀呢度嘅專業度同種類嚇親。

20180610_IMG_5574

刀 ,你以為得西廚刀? 先不計長度,種類上仲可以分為餅刀、牙刀、牛肉刀、拆骨刀、尖刀、勾刀、果刀、九江刀、拍皮刀、燒腊刀、開肚刀等等,只係望一望個刀櫃已經眼花。當你以為一間刀莊入面只有刀? 少年你太年輕喇,刀莊都可以收埋好多烘焙模具架!

 20180610_IMG_5487

我諗正正因為貨品多元化,令人每次嚟到呢條街都有尋寶嘅感覺。只係一間刀莊已經眼花繚亂? 成條街,無論係點心蒸籠、大鑊、電子磅、蛋仔個鐵模具或是神樓佛具,你都可以喺呢度搵到。 小編今次就買左個撻模,去埋隔離嘅油麻地果欄買個靚芒果,再行多兩步去埋渡船街洗衣寶入面嘅智能櫃拎埋預先喺網上訂購嘅雲呢拿香料,今晚一於整返個雲呢拿香芒果撻,證明小編入得廚房出得廳堂!

20180610_IMG_5511

去睇睇其他櫃機

Tagged , , , , , , , , , , , , , , , , , , .