[尖沙咀金巴利道 (LaundrYup)] H852E011P

尖沙咀

人生踏入另一階段,係每對準新人最期待又緊張嘅日子。終於…終於…輪到小編有幸做新娘子…隔離個伴娘,就緊係要幫好姊妹張羅啦。

 20180610_IMG_5448

作為推崇高效率嘅香港人,第一站就嚟到尖沙咀百利商場!甫入小巷就見到商場嘅招牌燈箱同一副風格奇幻浪漫嘅壁畫。新娘子見到呢個環境,已經要我舉機狂影相。好好好,你係新娘,你大晒。

 20180610_IMG_5397

影完終於可以開始今日嘅目的 — 婚禮用品大採購!落到去地庫B zone,就見到幾排細細嘅店面,麻雀雖小,五臟俱全。呢度唔只婚紗晚裝,就連婚禮攝影、場地佈置、化妝髮型等都一應俱全,睇到我哋眼花繚亂,一時之間做唔到決定,一於去每間舖頭格下價,拎啲資料返去慢慢揀。

 20180610_IMG_543820180610_IMG_5435

心大心細嘅新娘子意猶未盡,捉住我去到有「婚紗街」之稱嘅尖沙咀金巴利道。平時嚟尖沙咀都係行街同食嘢多,無留意到有咁多婚紗禮服店。地舖又有、樓上舖又有,連明星開嘅舖都有。小編而家先知原來搞個婚禮係可以有咁多選擇、咁多搞作嘅。望住我眼前呢個有選擇困難症嘅女人,睇嚟喺佢婚期嚟到之前,我應該要陪佢多行七七四十九次。(暈~~~)

 20180610_IMG_5410

為咗減省呢個幸福小女人嘅煩惱同自我拯救,有先見之明嘅小編立即快手揀左件伴娘禮服,再極力遊說新娘子訂咗個花球先。為咗好姊妹,小編早兩個禮拜前已經喺網上訂咗一對繡有新人英文名嘅介指枕作為結婚禮物,今日順路去埋金巴利道一間自助洗衣店入面個順便智能櫃拎到手。快手地完成checklist上嘅一小項…睇嚟小編要加多兩錢肉緊,叫新娘子多多善用網上購物。除咗要試上身嘅婚紗禮服,其他立立雜雜嘅就上網買啦!

20180610_IMG_5443

去睇睇其他櫃機

Tagged , , , , , , , , , , , , , , , , , .