個性化智能櫃 – H852K021P 紅磡老龍坑街 (Ewash)

[紅磡老龍坑街(Ewash)] H852K021P 講起紅磡,自然會諗起民間美食。以前去紅磡,只有紅磡站一個鐵路站,去紅磡灣就只可以靠腳骨力。今日嘅紅磡,由三個鐵路站以鐵三角形式包圍 – 紅磡站、何文田站、黃埔站。今日小編就帶大家由何文田站出發,邊攞件邊食野去到黃埔站離開。   達到何文田站,喺A2出口出經過天橋一落就到達蕪湖街,向右望嘅自助洗衣舖就係我哋順便智能櫃所在地。攞完件繼續沿蕪湖街行,到達民泰街交界,會見到唔少日式餐廳,不過小編今日目標明確,所以留番下次先試喇。嚟到目的地,本來滿懷歡喜開大餐,點知竟然無開…閘上面貼住逢星期一休息,但嗰日係星期日嚟…真係睇唔透。   見個肚有少少餓,把心一横,一於試下隔離間雞翼店。就咁睇價錢確實唔平,但一場嚟到,點都要試下啦!落單之後等咗大約十分鐘,就有得食。精緻嘅包裝可以加唔少分,但嘢食講到底梗係味道最重要。打開個盒,入面分開咗醬同雞翼之餘,竟然仲有…手套!用手食雞真係最高享受,配套絕對值得加分。更令我喜出望外嘅係,啲雞翼熱辣辣,皮脆肉嫰。唯一美中不足就係要分開點醬,感覺上本身雞翼好似唔太入味。Overall,呢間「不要儀態…只想吃雞翼」唔錯,都算塞翁失馬,焉知非福,隔離嗰間我幫襯不能,反而令我發現一間好嘢,下次一於帶埋老友來食,試哂咁多口味先。   […]

查看更多..

個性化智能櫃 – H852GC40P One MidTown

[One MidTown] H852GC40P 荃灣作為早期嘅新市鎮,發展十分迅速。由工業區發展出商業大廈同住宅,住宅包括好出名嘅海G戀、愛「圓」美,而商業大廈就有有線大樓、TML廣場同One Mid Town,全部都位於荃灣西港鐵站附近。隔離仲有三個廣場,如心廣場,灣景廣場同荃灣廣場。 灣景廣場係宜家吉之島所在地。吉之島一定要星期三去呀!因為逢星期三係吉之島超市特價日,雖然人山人海。小編必搶$3薯片,拎返公司開心Share,人人愛我。 如果大家對之前嘅荃灣有一定印象,就知吉之島本身唔係喺灣景廣場,係喺荃灣廣場,嗰陣時有個噴水池喺中亭,好多一家大細由一樓企到三樓睇個噴水池嘅表現。小朋友又會叫爸爸媽媽買金幣一齊去冒險,玩返一兩個鐘。不過廣場裝修過後,冇咗噴水池冇咗吉之島冇埋冒險。不過就多咗間日本百貨公司一田,仲有間戲院百老匯。對面仲有一條食街,再隔離街就係整車街,識得揀一定去個度整車同洗車。   通過整車街就係工廠區喇,但都仲有大量比較新式嘅Office。佢哋位於有線大樓嘅一左一右,TML廣場就有好有名嘅電動車公司,而隔離熟食市場,有間鄭榮記幾唔錯,食飯可以唔跟餐牌叫,百搭,大推豬扒豉油皇抄麵(係小編嘅最愛!諗起都好餓呀)。其實講咁多,係想話你知One […]

查看更多..

個性化智能櫃 – H852E011P 尖沙咀金巴利道

[尖沙咀金巴利道 (LaundrYup)] H852E011P 人生踏入另一階段,係每對準新人最期待又緊張嘅日子。終於…終於…輪到小編有幸做新娘子…隔離個伴娘,就緊係要幫好姊妹張羅啦。   作為推崇高效率嘅香港人,第一站就嚟到尖沙咀百利商場!甫入小巷就見到商場嘅招牌燈箱同一副風格奇幻浪漫嘅壁畫。新娘子見到呢個環境,已經要我舉機狂影相。好好好,你係新娘,你大晒。   影完終於可以開始今日嘅目的 — 婚禮用品大採購!落到去地庫B […]

查看更多..

個性化智能櫃 – H852BB22P 油麻地渡船街

[油麻地渡船街(洗衣寶洗衣店)] H852BB22P 作為一個專業嘅吃貨,唔單只要識捐窿捐罅搵嘢食,重要識得落廚煮返兩手,先至有資格評得出食物嘅優劣。小編以專業為目標,決定就由揀廚具開始練廚藝! 所謂「工欲善其事,必先利其器」,識得揀梗係去上海街揀! 上海街,一條典型嘅老式舊街道,貫穿油尖旺區,曾經係九龍主要嘅營商重地。雖然今時今日老舖一間接一間咁光榮結業,但仍有一個行業屹立不倒,穩札喺油麻地地段一帶。呢行就係廚具用品喇。 油麻地上海街,成條街都係賣砂煲罌罉同杯盤碗碟嘅店舖。好多做餐廳廚房嘅專業人士都嚟呢條廚具街尋寶。價錢公道,款式又多又齊。如果你係煮公仔麵嘅高手,你會畀呢度嘅專業度同種類嚇親。 刀 ,你以為得西廚刀? 先不計長度,種類上仲可以分為餅刀、牙刀、牛肉刀、拆骨刀、尖刀、勾刀、果刀、九江刀、拍皮刀、燒腊刀、開肚刀等等,只係望一望個刀櫃已經眼花。當你以為一間刀莊入面只有刀? 少年你太年輕喇,刀莊都可以收埋好多烘焙模具架! […]

查看更多..

個性化智能櫃 – H852BA30P 深水埗楓樹街

[深水埗楓樹街(你的自助洗衣坊)] H852BA30P 友人問我,點解我哋啲智能櫃會擺喺洗衣店?其實呢個係一個巧合,我哋擺得嘅地方大部份都方便附近居民。有順便智能櫃嘅「楓樹街」,位於長沙灣道尾同荔枝角度尾嘅一條橫街。今日一於等小編帶你去渡船街智能櫃附近食好嘢。   向深水埗方向行五分鐘,就會到達一間冰室,如果星期六日嚟到通常都會見到好多人冒熱等位。近幾年,冰室「遍地開花」,但呢間相當下比較特別,絕對唔會令你失望,因為除咗裝橫夠「冰室」外,食嘅、飲嘅都令你體會到香港嘅冰室情懷。有幾好食、有幾好飲,難以用筆墨嚟形容,有圖有真相,睇睇以下幾幅相︰雪糕紅豆冰、飛仔華田、焗保齡球同撈丁,係咪好想去試下呢?   如果唔鍾意去冰室醫肚,可以「重口味」啲啲,鋸個靚扒。喺香港,冰室貴為廉價西式簡餐,扒房就算係高檔西餐。往太子方向約三分鐘路程,就會嚟到呢間老字號扒房,喺1969年已經座落第一間店。店舖裡面嘅裝橫包括窗廉、枱布、抽煙口都好有舊式扒房特色。佢唔只靠老字號為生,重要嘅係扒類啖啖肉,食起嚟質感亦一流。店內普遍係有深厚閱歷嘅員工,服務態度非常好。總括而言,值得每次經過都食一次。 講起太子,就諗起大大細細嘅點心店,今次介紹嘅點心店喺智能櫃隔離三分鐘距離。介紹得呢間點心店,當然唔只因為取件夠近夠方便咁簡單,而係佢啲點心夠特別,喺佢菜單上幾道推介嘅點心確實係內外兼備。有機會大家真係要試一試。以小編經驗,平日夜晚等大約十五分鐘都會有位,如果唔想等嘅話,建議可以平日甚至星期六、日嘅下晝去。邊啲先算係特色美食?又畀啲圖大家睇下先。   最後,當然要講下順便智能櫃喺邊啦,唔係各位粉絲點樣食完我介紹嘅好嘢去朝聖影張相到此一遊呢! […]

查看更多..

個性化智能櫃 – H852AA26P 大埔墟大日子

[大埔大日子廣場二樓] H852AA26P 香港人知唔知香港除咗大埔,仲有大埔墟呢?大埔墟係一個歷史悠久嘅墟市,小編今次就帶大家遊走大埔墟感受下佢陣味。   小編一出大埔墟鐵路站一路向「大埔墟熟食街市」進發,經過好多租單車舖。好多人都會喺大埔墟租單車踩去大尾篤、大圍或沙田,而大尾篤又以BBQ場聞名,所以亦有不少燒烤食品舖頭。 去到大埔墟街市及熟食中心,佢正正就喺大埔綜合大樓隔離,呢個聲名遠播嘅【美食中心】入面各種不同美食,真係令人口水直流。小編喺假日中午時段去到二樓嘅【美食中心】時已座無虛席。   幾經辛苦,終於爭到張凳仔,立即柯打一碟「蝦子雲吞撈麵」試一試。呢個麵好香蝦子味同好滑 (應該係用豬油撈…)。食完見口渴,就去咗對面街嘅街市,見到間好多人排緊隊嘅豆腐花舖,食咗碗凍豆腐花同大大支嘅豆漿,堅正!唔怪得朋友話去大埔墟一定要去熟食街市,大家有機會一定要去試下。   […]

查看更多..

個性化智能櫃 – H852H013P 九龍灣兆景商場

[九龍灣兆景商場] H852H013P 住觀塘嘅我平日都成日去九龍灣~喺九龍灣無論係食野定行街都好方便
九龍灣都可以好多活動!黎緊又有韓國女團係九展出show大家有冇撲飛呀?!
 仲有!今個月有歡樂天地可以玩!時隔19年,香港經典室內遊樂場終於要回歸成日聽爸爸媽媽講以前歡樂天地有幾好玩,依家終於可以到我地試啦!新店即將於年底在九龍灣重新開業,而8月8日會率先開放門外的夾公仔機,有得夾跳跳虎、多啦 A 夢、唐老鴨、牛牛等公仔,分分鐘成為大家既新蒲點!大家唔好錯過啦!
 鍾意行街嘅朋友記得一定要去德福廣場!嗰度超大超好行,應有盡有,一定可以滿載而歸! 行完德福廣場,仲可以搭穿梭巴士去埋mega box ! […]

查看更多..

個性化智能櫃 – H852EA12P 佐敦偉晴街

[佐敦偉晴街(水漾衣坊)] H852EA12P 如果要數九龍區內最多名牌店舖嘅地方,相信唔少人會第一時間諗起尖沙咀廣東道。一小段街道被世界各地嘅名牌進駐,衫褲鞋襪,包羅萬有,你諗得到講得出嘅都有,買完著出街即刻增加自信心。身為港人,今時今日續漸少嚟呢度,可能係因為行一行「一個海港得一個」嘅商場好比行一次「花市」,真係小啲體力都唔掂。 其實除咗尖沙咀廣東道,往油麻地方向入一兩條街,就會發現比較人煙稀少嘅城市後花園,亦即係70年代盛行一時嘅「玉器街」一帶。 街內有一大舊玉石地標,為香港玉石協會所設 (應該係) 由佐敦道入口可睇到玉器喺香港嘅地位 喺2018 年嘅今日,都仲有唔少賣玉石嘅舖頭,相信附近咁多五金工具舖,應該係賣切割玉石嘅工具。 街道上嘅「玉器街」,可見玉石買賣喺香港都曾經盛行一時 […]

查看更多..

個性化智能櫃 – 中環摩羅廟街嘉怡閣 H852M024P

[中環摩羅廟街嘉怡閣] H852M024P   住到新界北山旮旯咁遠嘅我平時真係好少出中環,要搭成差唔多兩個鐘車先出到嚟其實都算係 一種「本地旅遊」…而身為一個稱職嘅遊客,我梗係要去晒啲打卡景點啦!揀今日出嚟,其實 係有個friend話送份神秘禮物俾我要出嚟拎,一陣就會揭曉係咩禮物…   人人都話Greyhound好食,我老闆都勁讚!雖然對於我呢類平民嚟講有啲貴…不過咁遠出嚟就 試下啦…重點推介一字骨雞翼,應該係話,您一食就會停唔到  無乜特別嘢做,一個人行行下就去咗摩天輪…唉…我嘅真命天子幾時先出現陪我坐摩天輪呀…  […]

查看更多..