快件存取時間更新

順便智能櫃將可邁向千台櫃機,可以取件十分方便❗不過有的時候因人流及流轉率原因,導致櫃機好快爆滿,需要等待上一個客人取件後,新的快件才有機會投放入櫃。為紓緩此輪候情況,令大家不用等候太久,由2019年09月16日開始,快件存放於智能櫃的時間將由40小時更新為30小時。盡快取件,就可讓更多人可享用智能櫃服務。   想了解順便智能櫃如何輕鬆自助取件? 立即按此了解! 

查看更多..

個性化智能櫃 – 元朗大陂頭徑(365Laundry) H852UA69P

[元朗大陂頭徑(365Laundry)] H852UA84P 講起元朗,可能會令人聯想到元朗大馬路同牛屎(仲有牛)。近呢一兩年,元朗仲變埋「搵食天堂」,不少雜誌同網上Blog都有推介元朗美食。其實,元朗Sell嘅唔止係好味,仲有人情味。 身處於元朗大馬路,望住行駛得輕輕鬆鬆嘅輕鐵,心情亦豁然開朗。過條馬路,去到升斗市民集中地 – 大橋街市,感受滿滿人情味。街市出面設有不少長櫈,供公公婆婆休息;話明係街市出面,就當然無冷氣,但以前,邊度會有冷氣提供呢?身處於商場供客人休息「坐小見小」嘅年代,呢啲位置,令我對未來多返一點點信心。 過番街市對面,睇住條臭河隔離有個位高朋滿座,仲記得有個「蠔餅姐姐」有病都會堅持開鋪,令大家嚟到唔會失望而回。不多介紹,呢間屹立不倒嘅蠔餅店,只要加上甜醬辣醬,香口得嚟仲齒頰留香,仲要蔗渣價錢,確實有能力打倒不少知名蠔餅店。 再過番對面,發現有間良心舖頭入面竟然有櫈,有冷氣開放。 極力推介呢間嘢 – […]

查看更多..

個性化智能櫃 – 屯門新都廣場 H852U032P

[屯門新都廣場] H852U032P  呢個世界有不少迷思,例如古人建造完美金字塔嘅方法、UMA是否存在等等。而對Non-屯門人來講,點分新都&華都就係另一個世紀難題。   新都同華都呢個雙都,都連接住屯門市廣場,都一樣咁平民化。其實喺市廣場隔離就係華都,華都繼續向前行就係新都。   新都同華都同其他廣場一樣,會怕悶 – 所以入面嘅商店種類林林總總,有女人衫、波衫、韓國化妝品店、電訊公司、便利店、小食店等等,商戶亦會不時更換,令呢個福地新鮮感不斷,人流絡繹不絕。   […]

查看更多..

個性化智能櫃 – 元朗朗屏邨玉屏樓 H852UA69P

[元朗朗屏邨玉屏樓] H852UA69P 今年都多咗好多朋友搬入元朗! 除咗去大型商場行街之外,其實元朗市中心好多舊街有好多懷舊小食店,有時唔使餐餐出去食Tea 嘅! 今次冇帶呀茄出街,同朋友掃街食好嘢最啱我👍🏻👍🏻😍 元朗街頭掃街:必到又新街 #串皇:串燒店, 口痕行過又食兩串 #龍津:梗係要食煎釀三寶啦 […]

查看更多..

個性化智能櫃 – 灣仔交加里 H852TC17P

[灣仔交加里 (自洗王國)] H852TC17P  香港人對搵食有一鋪癮,唔「隔涉」,唔難搵都唔會去。或者係因為心理作用,梗係覺得啲難搵嘅餐廳,比起周街都有嘅連鎖式餐廳都更具特色。除咗搵食,香港人仲會有搵「冷門」地方嘅心癮,即係啲大街大行、人煙稠密嘅地方,如非必要都唔會去,反而鍾意特登去啲杳無人煙嘅地方避靜一下。 返工放工時間嘅灣仔人山人海,大街上故然水泄不通,但小巷都出奇地熙來攘往。灣仔道,並非大馬路,只係雙線雙程嘅傳統小馬路,但就人頭涌動,或者喺呢一條小路上有著唔同大小嘅餐廳,大多都唔係連鎖式經營,合晒香港人「河車」。 小小街道上仲有男士天堂,售賣遊戲嘅購物中心同小食店,跟本就係一個城市綠洲。   當大家喺呢條小街上買夠食夠,行入一條街,就到「交加里」,你會發覺環境突變,人聲鼎沸嘅鬧市稍稍安静落嚟。 特色餐廳依然有數間畀你選擇,但感覺更可以畀你同朋友喺度慢慢分享生活點滴。 我哋嘅智能櫃就有一台坐落咗喺呢條小街上,位置比較入,需要大家用心去尋覓一下,但佢絕對24小時隨時候命,不論風吹雨打或陽光普照嘅日子都為附近嘅人效勞。只要你上網買完心頭好,放工放學嘅時間,同朋友到灣仔道或附近消遣,不妨選擇「香港灣仔交加里7號永成大廈地下7B舖(自洗王國)順便智能櫃」快速自取快件。 […]

查看更多..

個性化智能櫃 – 銅鑼灣奧運大樓 H852TD15P

[銅鑼灣奧運大樓 ] H852TD15P 【鬧市中的秘密花園】在銅鑼灣消閒娛樂的確很方便,食買玩應有盡有。 但正因為太方便,太熱鬧,走得累了,想找個舒適休閒的地方歇一歇都有點難度。   逛得累時,我喜歡到希慎廣場4/F的空中花園休息一下。這裡有枱有凳,景觀開揚,且有瓦遮頭, 日照雨灑也不怕,而重點是,這兒是免費進出的,假日來也不擠擁。   肚餓了,便到來自台灣的Mamaday […]

查看更多..

個性化智能櫃 – H852J025P 黃大仙翠鳳街(淨大師自助洗衣)

[黃大仙翠鳳街(淨大師自助洗衣)] H852J025P 係人都知去黃大仙一定係去拜神祈福,但其實黃大仙都仲有好多好去處! 有個地方叫鳳德公園,以《西遊記》為主題,園內有以水簾洞、五指山、火焰山、水晶宮和花果山為名的五個耳熟能詳的主題區,孫悟空既粉絲絕對不能錯過😍   行到熱熱地就緊係入商場涼下啦!去隔離鑽石山個荷里活商場shopping!入面應有盡有,一日都可能行唔哂! 唔中意行街既朋友可以揀去志蓮淨園汲收下靈氣,洗滌心靈💆🏽‍個到係參考左唐代建築設計的一所廟宇,宏偉嚴肅,亦係香港唯一為女高僧提供修道場所的地方🙇🏽‍ 行到肚餓都可以去榮記茶餐室到整翻碗芝士撈面醫下肚😋 玩完食完,可以去黃大仙翠鳳街,我哋嘅智能櫃就有一台坐落咗喺呢條小街上,24小時隨時候命,不論風吹雨打或陽光普照嘅日子都為附近嘅人效勞。只要你上網買完心頭好,叫呀媽還完神幫你拎又得,自己去又得,不妨選擇「九龍黃大仙翠鳳街6號地下(淨大師自助洗衣)順便智能櫃」快速自取快件😝😝😝   […]

查看更多..

個性化智能櫃 – H852K021P 紅磡老龍坑街 (Ewash)

[紅磡老龍坑街(Ewash)] H852K021P 講起紅磡,自然會諗起民間美食。以前去紅磡,只有紅磡站一個鐵路站,去紅磡灣就只可以靠腳骨力。今日嘅紅磡,由三個鐵路站以鐵三角形式包圍 – 紅磡站、何文田站、黃埔站。今日小編就帶大家由何文田站出發,邊攞件邊食野去到黃埔站離開。   達到何文田站,喺A2出口出經過天橋一落就到達蕪湖街,向右望嘅自助洗衣舖就係我哋順便智能櫃所在地。攞完件繼續沿蕪湖街行,到達民泰街交界,會見到唔少日式餐廳,不過小編今日目標明確,所以留番下次先試喇。嚟到目的地,本來滿懷歡喜開大餐,點知竟然無開…閘上面貼住逢星期一休息,但嗰日係星期日嚟…真係睇唔透。   見個肚有少少餓,把心一横,一於試下隔離間雞翼店。就咁睇價錢確實唔平,但一場嚟到,點都要試下啦!落單之後等咗大約十分鐘,就有得食。精緻嘅包裝可以加唔少分,但嘢食講到底梗係味道最重要。打開個盒,入面分開咗醬同雞翼之餘,竟然仲有…手套!用手食雞真係最高享受,配套絕對值得加分。更令我喜出望外嘅係,啲雞翼熱辣辣,皮脆肉嫰。唯一美中不足就係要分開點醬,感覺上本身雞翼好似唔太入味。Overall,呢間「不要儀態…只想吃雞翼」唔錯,都算塞翁失馬,焉知非福,隔離嗰間我幫襯不能,反而令我發現一間好嘢,下次一於帶埋老友來食,試哂咁多口味先。   […]

查看更多..

個性化智能櫃 – H852GC40P One MidTown

[One MidTown] H852GC40P 荃灣作為早期嘅新市鎮,發展十分迅速。由工業區發展出商業大廈同住宅,住宅包括好出名嘅海G戀、愛「圓」美,而商業大廈就有有線大樓、TML廣場同One Mid Town,全部都位於荃灣西港鐵站附近。隔離仲有三個廣場,如心廣場,灣景廣場同荃灣廣場。 灣景廣場係宜家吉之島所在地。吉之島一定要星期三去呀!因為逢星期三係吉之島超市特價日,雖然人山人海。小編必搶$3薯片,拎返公司開心Share,人人愛我。 如果大家對之前嘅荃灣有一定印象,就知吉之島本身唔係喺灣景廣場,係喺荃灣廣場,嗰陣時有個噴水池喺中亭,好多一家大細由一樓企到三樓睇個噴水池嘅表現。小朋友又會叫爸爸媽媽買金幣一齊去冒險,玩返一兩個鐘。不過廣場裝修過後,冇咗噴水池冇咗吉之島冇埋冒險。不過就多咗間日本百貨公司一田,仲有間戲院百老匯。對面仲有一條食街,再隔離街就係整車街,識得揀一定去個度整車同洗車。   通過整車街就係工廠區喇,但都仲有大量比較新式嘅Office。佢哋位於有線大樓嘅一左一右,TML廣場就有好有名嘅電動車公司,而隔離熟食市場,有間鄭榮記幾唔錯,食飯可以唔跟餐牌叫,百搭,大推豬扒豉油皇抄麵(係小編嘅最愛!諗起都好餓呀)。其實講咁多,係想話你知One […]

查看更多..

個性化智能櫃 – H852E011P 尖沙咀金巴利道

[尖沙咀金巴利道 (LaundrYup)] H852E011P 人生踏入另一階段,係每對準新人最期待又緊張嘅日子。終於…終於…輪到小編有幸做新娘子…隔離個伴娘,就緊係要幫好姊妹張羅啦。   作為推崇高效率嘅香港人,第一站就嚟到尖沙咀百利商場!甫入小巷就見到商場嘅招牌燈箱同一副風格奇幻浪漫嘅壁畫。新娘子見到呢個環境,已經要我舉機狂影相。好好好,你係新娘,你大晒。   影完終於可以開始今日嘅目的 — 婚禮用品大採購!落到去地庫B […]

查看更多..